ఏపీలోని 25 లోక్‌సభ, 175 శాసన సభ స్థానాలకు జరుగనున్న ఎన్నికలకు నోటిషికేషన్ కొద్ది సేపటి క్రితం రాష్ట్ర సీఈవో గోపాలకృష్ణ ద్వివేది విడుదల చేశారు. అలాగే మరి కొద్ది సేపట్లోనే జిల్లాల వారీగా నోటిఫికేషన్ కూడా వెలువడనుంది. ఈ మేరకు సీఈవో ఆయా జిల్లా కలెక్టర్లకు ఆదేశాలు జారీ చేశారు.

ఇవాళ 11 గంటల నుంచి నామినేషన్లు స్వీకరించనున్నారు. ప్రతీ రోజు ఉదయం 11 నుంచి మధ్యాహ్నం 3 గంటల వరకు నామినేషన్ల స్వీకరణ జరుగుతుంది. నామినేషన్లకు ఆఖరు తేదీ ఈ నెల 25 మధ్యాహ్నం 3 గంటలు. ఇక 26వ తేదీ నామినేషన్ల పరిశీలన, 28వ తేదీ నామినేషన్ల ఉపసంహరణ గడువుగా నిర్ణయించారు. ఏప్రిల్ 11న పోలింగ్ నిర్వహించి.. మే 23న ఫలితాలు ప్రకటిస్తారు.

మరోవైపు తొలిదశ పార్లమెంటు ఎన్నికల్లో భాగంగా తెలంగాణలోని 17 లోక్‌సభ స్థానాలకు నోటిఫికేషన్ విడుదలైంది. ఈ స్థానాలకు కూడా ఇవాల్టి నుంచే నామినేషన్లు స్వీకరించనున్నారు.